The Pink Coalition (Part Two)

Sa Malate, parang akong si Darna na kulang na lang eh lumipad sa Nakpil para makarating kaagad sa BED.

Paano ba naman, sobrang atat talaga akong ma-meet ang diyosa, and at the same time, makipagjudingan-ever sa mga friends kong nandun na. Grabe talaga ang feeling!!! Para akong nakawala sa kagubatan matapos ma-trap sa loob ng isang linggo.

Although out na ako sa office, di naman talaga akong consider na part ng mga "she-males" dun (mga bading samen) kasi nga mas madalas eh katropa ko pa rin yung mga straight dun. Tsaka di ko rin bet makipagmagandahan kaya hayun, ever silent na lang silang lahat tungkol sa trip ko.

Anyway pagdating sa BED, sigaw na kaagad ako ng "present!!!" dun sa bouncer na ka-tropa ko. Through the years kasi na wala akong inatupag tuwing friday kundi magsasayaw sa BED, nagkaroon na rin ako ng kaibigan sa hanay ng mga taong nagwowork sa bar na yun.

---

Una kong na-meet si Pao na may mga kainumang mga pamhinta sa labas ng BED. Sabi niya saken, nasa loob na yung dalawa pa naming kasama at marahil nagsasayawan na. Palibhasa'y swelduhan kahapon kaya medyo maraming bading kagabi than the usual crowd I see. And in fairness naman talaga, mukhang umulan ng kagwapuhan kagabi dahil medyo marami ang ratio ng mga cute na masculine kesa sa mga panget na nagmamaganda-magandahan.

So sayaw lang ako ng kaunti. Tapos bigla kong naalala ang diyosa. Kaya hayun, nagtext ako para i-confirm kung nandun na ba siya sa loob o wala. After a few minutes, bigla siyang nagreply na nasa labas na daw siya ng Komiks. So labas naman ako para i-meet sha.

Sa sobrang pagmamadali ko, instead na maghanap ako sa Komiks eh sa Sonata ako naghanap. At the back of my mind, naghahanap ako ng isang bading na medyo medium height, na di naman kapayatan at medyo may appeal ang dating.

Tapos bigla kong naalala na doon pala sa tabi ng BED ang Komiks kaya balik na naman paloob upang hanapin siya. Mabuti na lang at hindi na ako gaanong naghanap sa labas ng Komiks dahil makalipas lang ng ilang sandali, biglang may mahinang boses na tumawag saking pangalan.

---

"Joms!!"

----

Pagtingin ko sa baba, nakaupo siya sa table malapit sa tabi ko. Nakangiti at may kasamang isa pang batang judinggers na medyo familiar rin ang ngiti. Tama nga ang nasa imagination ko. Medium height siya na medyo payat... na medyo malakas ang appeal pero hindi ko expect na F4 pala ang buhok niya.

Gosh, for the first time ever,

Na meet ko rin sa wakas si Badinggerzie!!!

-- 2bcontinued --